Sunday 25 August 2013

Urdu poetry: Dekhay jatay na thay Aansoo meray jis say, Aaj hanstay huay deka usay aghyar kay beech. Mohsin Naqvi

قتل چھپتے تھے کبھي سنگ کي ديوار کے بيچ
اب تو کھلنے لگے مقتل بھرے بازار کے بيچ
اپني پوشاک کے چھن جانے پہ افسوس نہ کر
سر سلامت نہيں رہتے يہاں دستار کے بيچ
سرخياں امن کي تلقين ميں مصروف رہيں
حرف بارود اگلتے رہے اخبار کے بيچ
کاش اس خواب کي تعبير کي مہلت نہ ملے
شعلے اگتے نظر آۓ مجھے گلزار کے بيچ
ڈھلتے سورج کي تمازت نے بکھر کر ديکھا
سر کشيدہ مرا سايا صف اشجا ر کے بيچ
رزق، ملبوس ، مکان، سانس، مرض، قرض، دوا
منقسم ہو گيا انساں انہي افکار کے بيچ
ديکھے جاتے نہ تھے آنسو مرے جس سے محسن
آج ہنستے ہوۓ ديکھا اسے اغيار کے بيچ

1 comment:

  1. ماشاء الله بہت اچھی ویب ساہٹ ہے ہماری پیاری اردو

    ReplyDelete